Մեր կրթօջախի` ​Բրյուսելի Համազգայինի Նիկոլ Աղբալյանի անվան հայկական դպրոցի վերաբացումը վկայում է հայ սփյուռքի կենսունակության և մշակութային արժեքները պահպանելու անկոտրում կամքի մասին։

Դպրոցի հիմնադրումը տեղի է ունեցել 1999-2000 ուսումնական տարում, Անտվերպեն քաղաքում՝ Լևոն Շանթի անվան դպրոցին զուգահեռ։ Հիմնադրման առաջին իսկ օրերից դպրոցը դարձավ հայ երեխաների համար հարազատ մի վայր, որտեղ նրանք հաղորդակից էին դառնում մայրենի լեզվին և հայոց պատմությանը։

​Կրթօջախի կայացման գործում անգնահատելի ավանդ են ունեցել առաջին ուսուցիչները՝ Արուսյակ Մովսիսյանը, իսկ ավելի ուշ՝ Արուսյակ Սուքիասյանը։

​Ազգային գործիչ Արմեն Արսլանյանի նախաձեռնությամբ՝ Համազգային հայ կրթական և մշակութային միության վերամիավորումից հետո, Նիկոլ Աղբալյանի անվան շաբաթօրյա դպրոցը սկսեց գործել Համազգայինի հովանու ներքո։ Սա նոր թափ հաղորդեց դպրոցի գործունեությանը՝ ամրապնդելով կրթական ծրագրերն ու կապը համահայկական կառույցների հետ։

​Ցավոք, 2015 թվականին Արմեն Արսլանյանի մահից և Անտվերպենի «Հայի տան» փակումից հետո, դպրոցը ժամանակավորապես դադարեցրեց իր գործունեությունը։

2026 թվականի հունվարից Նիկոլ Աղբալյանի անվան դպրոցը վերաբացեց իր դռները՝ այս անգամ արդեն Բելգիայի մայրաքաղաք Բրյուսելում։ Այսօր դպրոցը կիրակնօրյա է` շարունակելով իր առաքելությունը նոր սերնդի կրթության գործում։

​Մեր հմուտ մանկավարժ Արևիկ Ավետիսյանի գլխավորությամբ, դպրոցն այսօր էլ ջանք ու եռանդ չի խնայում յուրաքանչյուր աշակերտի մեջ հայեցի ինքնությունը պահպանելու և զարգացնելու համար։

Կրթական ծրագրերի ընդլայնման շրջանակներում, նույն հասցեում Լևոն Մուրադյանի կողմից անցկացվում են նաև ֆրանսերենի և նիդերլանդերենի դասեր, ինչը լրացուցիչ հնարավորություն է ընձեռնում մեր սաներին և համայնքի անդամներին՝ տիրապետելու տեղական լեզվին և ավելի լավ ինտեգրվելու միջավայրին: